Sa navi de sa speranza

Zerrius, prant’’e pipius,
prantus de mammas, mulleris, de isposas.
Muccadoreddus che bander’a bentu:
sa navi de sa speranza est partendi
carriga ‘e genti ch’hat lassau agoa
is affettus prus carus;
de genti ch’est arroscia
de abettai cuddu nasci’ a nou promittiu:
de genti ch’hat gherrau
in d’una farrancara ‘e terra sciutta
(fogus, annadas malas, depidus senz’’e contu);
gent’arroscia di essi’ a manus a gruxi
senza de sciri mancu issa poita.
Sa navi de sa speranza est partendi
carignada de su Golfu de is Angelus,
de is costas ispolladas
de pasturas e armentus;
carignada de cust’Isula bella,
de cust’Isula antiga, sfortunata,
trista, pren’’e annuggiori,
aundi sceti su soli scit arriri.
Baxi! Sa bona sorti s’accumpangidi
andendi in terra strangia
po unu sacru derettu!
Baxi! Chi est mellus meda
de ponni’ origa a dottrinas malignas
de profetas sidius
de discordias, de sanguni!
Baxi! Po ponni’ perda asuba ‘e perda,
francu asuba ‘e su francu,
po ndi torrai a domu
nostra totu su beni
chi nci bòganta cuddus corus malus!
Sa navi de sa speranza est partia
po una missioni prena’e nobilesa.
Baxi! Sa bona sorte s’accumpangidi
aundi tot’heis a ponni’ manu e pei!
Baxi, fradis mius! Baxi
a logus chi no depestis andai,
po unu mussiu ‘e pani.

Urla, pianti di bimbi,
pianti di madri, di mogli, di spose.
Fazzoletti come bandiere al vento:
la nave della speranza sta partendo
carica di gente che lascia indietro
gli affetti più cari;
di gente stanca
dì aspettare una rinascita promessa;
di gente che ha lottato
in un pugno di terra asciutta
(fuochi, cattive annate, debiti senza conto):
gente stanca di stare a mani in croce
senza neppure sapere perché.
La nave della speranza sta partendo
carezzata dal Golfo degli Angeli,
dalle coste spoglie
di pascoli e armenti;
carezzata da quest’Isola bella,
da quest’Isola antica, sfortunata,
triste, piena di malinconie,
dove soltanto il sole sa ridere.
Andate! La buona sorte vi accompagni
mentre andate in terra straniera
per un sacro diritto!
Andate! E’ molto meglio
che ascoltare dottrine malvagie
di profeti assetati
di discordie, di sangue!
Andate, a mettere pietra su pietra,
moneta su moneta,
per riportare a casa
nostra tutto il bene
che portano via dei cuori cattivi!
La nave della speranza è partita
per una missione di nobiltà.
Andate! La buona sorte vi accompagni
dovunque metterete mani e piedi!
Andate, fratelli! Andate
dove non avreste dovuto,
per un morso di pane.