Est troppu paca s’offerta

Unu malune de latte
caente de titta
pro tene t’imbio,
pizzinnu innossente, assididu,
nigheddu che-i sa solidade mea
de omin’’e preda affeladu,
jeo pastore
d’erveches siccas che linna.

Una pischedda ‘e recottu
nuscosu d’armidda
pro tene t’imbio,
pizzinnu innossente, famidu,
nigheddu comente s’isettu
de s’isposa orfanada,
jeo balente
de nuraghes de brunzu.

Un’anzonedda bianca che nibe
pro tene t’imbio,
pizzinnu innossente, attristadu,
nigheddu che-i su corruttu
‘e sa mam’ustinada
pro su ‘izzu mort’in sa tuppa,
jeo bannidu
de marmurados isteddos.

Una regra ‘e mele puzoninu
de lidone e de mudrecu
pro tene t’imbio,
pizzinnu innossente, nigheddu
che-i su muscon’’e sas ferulas grogas,
a t’indurcare sas ranchidas labras,
jeo mojaresu
d’apes d’oro e de seda.

Unu cannidu brore de pache
pro tene t’imbio,
pizzinnu innossente, assustradu,
nigheddu che-i su trumentu ‘e sos tronos,
jeo sardu,
comente a tibe, assididu, famidu.

Est troppu paca s’offerta,
ma tue l’azzetta de coro.

Una scodella di latte
ancora caldo di seno
per te io ti mando,
bimbo innocente, assetato,
nero come la mia solitudine
di uomo di pietra incrudelito,
io pastore
di pecore rinsecchite.

Una forma di ricotta
che profuma di timo
per te io ti mando,
bimbo innocente, affamato,
nero come l’attesa
della sposa rimasta sola,
io “balente”
di nuraghi di bronzo.

Un’agnellina bianca di neve
per te io ti mando,
bimbo innocente, intristito,
nero come il lutto
della madre inconsolabile
per il figlio morto alla macchia,
io bandito
di stelle pietrificate.

Un favo di miele novello
di corbezzolo e cisto
per te io ti mando,
bimbo innocente, nero
come il moscone delle ferule gialle,
per raddolcire le tue labbra amare,
io custode
di api d’oro e di seta.

Un candido fiore di pace
per te io ti mando,
bimbo innocente, impaurito,
nero come il tormento dei tuoni,
io sardo,
come te, assetato, affamato.

E’ troppo piccolo il dono,
ma tu accettalo di cuore.