Lamentu mineri

de Mario Licheri.

Il 4 settembre del 1904, a Buggerru, i soldati spararono contro i minatori in sciopero. Buggerru in quel tempo contava diecimila abitanti; tremilacinquecento erano operai. Quasi come Porto Torres ai tempi della SIR.

Cantat su mari
canzoni minera.
Cantat
scudendi sanguni
e calamina.
Scudendi
bruvura de mina,
sprigus de sali
e ispuma,
in su port’’e Buggerru.

Sulat su bentu
cun ghitarras
de milli dimonius,
sulat
sonus de trunfa,
sanguni de prumoni
e morti luxenti
de ispinas de quarzu.

Hant acuau is campanas
in su puzzu ‘e sa mina.

Passus de pruini grogu,
aproillant
de dogna scurìu
facci ‘e su soli nou,
is Mortus de Buggerru,
a is dexi de mengianu.

Chen’’e bandera
ne cantus,
chen’’e burdellu
ni prantus.

A is dexi de mengianu,
manu in sa manu,
coru mineri,
facci ‘e traballadori,
brazzus cansaus,
genti de onori,
de sa brenti ‘e sa terra
bessint a gherra
is mortus boccìus
po pani.

Asuba de sa terra
sterrit mesa
su soli,
po poberu e po arriccu.
Cun scraffeddu e cun piccu
su scurìu stampat,
cun agullas de perda,
lagrimas mineras.

Is mortus de prumu
no tenint fradis.

Su silenziu est genti
a is dexi de mengianu.

In sa prazza sbuìda
bovidas de paliu nieddu
e barandiglias
de gravellus siccus.

Su smurzu
est binu de laveria
e pani de arena.

Sceti su mari cantat
canzonis antigas
de morti minera.
Ni umbra de pastori
ni de messaiu
e nemancu umbra
de Sociètè del Mines.
Nemancu umbra
de bandera arrubia
de plastica.

S’olvidu est balla
de calamina,
s’arregordu disgagiat
scurìu de mina.