Su dubbiu ‘e s’anima

In sos seros serenos
de nottes selenadas
ocros d’ispantu si miran su carru
in su chelu isteddau.
E sa mente s’isparghet
in sa cussorja manna ‘e s’Infiniu.

… Ma no’ hat assussegu
e pessande si perdet
in su sartu celeste illacanau,
chertorande in su mundu
radichinas fungudas de misteriu.

…Oh! Dubbiu predosu!

Sùrbile malinna chi mi sughes
su suzzu ‘e s’aorta…
accrarit, ite cheres?
Ca dego, un’imbrattu
de prugher e chisina,
in runda chin su tempus
in sas tancas siccadas de sa bida,
non bi resesso dego a ti cumprender.

E cantan sos puzones:
sas turturas chi rucran sas costeras
chircande sos caentes de beranu.
E cantan sas funtanas
ghettande, joculanas,
a su canu laccheddu ‘e sos traghinzos
in su mudore grogo ‘e sos atonzos.

… Ma dego, un’imbrattu
de prugher e chisina…
non bi resesso dego a los cumprender
si sun cantos d’amore o sun lamentos.

Ma tue… Deus meu!
Tue chi lu cumprendes cust’apprettu.
imbiamila una junta ‘e pache,
de piedosos carinnos caentes
pro caentare sos frittos corbarjos
de cust’anima umbrosa ‘e ghiddighia.

E torren a fozire,
chin frogheddos d’isperas e de fide,
sos brattos sumurtios de su coro.

Nelle serene serate
nelle notti brinate
occhi di meraviglia ammirano il carro
nel cielo stellato.
E la mente si estende
nel grande vuoto dell’Infinito.

… Ma non trova la pace
e col pensiero si perde
nel salto celeste sconfinato,
cercando nel mondo
le radici profonde del mistero.

… Oh! Dubbio di pietra!

Vampiro maligno che mi succhi
il sangue dell’aorta…
sii chiaro, cosa vuoi?
Perché io, un pizzico
di polvere e di cenere
a spasso col tempo
nelle aride tanche della vita,
non riesco a capirti.

E cantano gli uccelli:
le tortore che attraversano i poggi
per cercare i caldi della primavera.
E cantano le fonti
mentre scendono cullandosi,
nel grigio letto dei ruscelli
nel giallore silenzioso degli autunni.

…Ma io, un pizzico
di polvere e di cenere…
non riesco a capire
se son canti d’amore o son lamenti.

Ma tu… mio Dio!
Tu che capisci il mio tormento,
dammi un po’ di pace,
un po’ di calde e pietose carezze
per scaldare le freddi valli
di quest’ombrosa anima di ghiaccio.

E possano rifiorire
con germogli di fede e di speranza
i rami ormai smunti del mio cuore